2013ko abendua

 

Kromo bilduma

 

Txantreako Erraldoi Konpartsak Nafarroakoerraldoi konpartsen kromo bilduma kaleratuko du. Bertan ere Iruñeko Alde Zaharreko Erraldoi Konpartsa agertuko da.

Kromo albuna hurrengo abenduaren 8an Diario de Noticias-ekin erosi ahal izango da eta abenduaren 9tik aurrera Nafarroako denda ezberdinetan salgai jarriko dute.

2013ko Aldapako Sanferminak

Kaixo lagunok!

Lurra, Sua, Ura eta Airea erraldoiak eta Payaso, Demonio, Pamplonika eta Napoleon kilikiak gara. Jakingo duzuen bezala hurrengo asteburuan (irailaren 27, 28 eta 29) auzoko jaiak ospatuko dira, hau da, Aldapako Sanferminak.

Urtero bezala ostiral arratsaldean, larunbat goizean eta igande arratsaldean Iruñeko Alde Zaharreko kaleetatik ibiliko gara, gure dantzekin, auzoko kaleak eta plazak alaitzen.

Bestaldetik Alde Zaharreko Erraldoi Konpartsak bat egiten du Alde Zaharreko Jai Batzordeak prestatu duen herri egitarauarekin eta auzoko bizilagunak ekitaldi horietan parte hartzera animatzen ditugu. Gora Aldapako herri sanferminak!

Gora jai herrikoak!