2018ko maiatza; Alde Zaharreko Eguna

Hurrengo maiatzaren 26an, larunbatarekin, Iruñeko Alde Zaharreko Eguna ospatuko dugu. Aurten gurekin batera “Mendillorriko Erraldoiak” ibiliko dira.

Saioa goizeko 11etan autobus geltoki zaharretik hasiko da eta hau da egingo dugun ibilbidea: Tutera kalea, Vínculo, Sarasate Pasealekua, San Miguel, San Frantzisko Plaza, Eslava, kale Nagusia, San Saturnino, Udaletxe Plaza, Santo Domingo, Merkatua, Aldapa, Carmen, Navarreria, Mercaderes, Calceteros, Zapatería, Pozo Blanco, Comedias, Sarasate Pasealekua, Vínculo eta Tutera kalea.

2018ko maiatza

Iruñeko Alde Zaharreko Erraldoi Konpartsaren KILIKIAK eraman nahi dituzu?
Payaso, Pamplonica, Demonio eta Napoleón kilikiak eraman nahi badituzu gurekin harremanetan jar zaitez honako baten bitartez:
*Telefonoz: 671 17 10 81
*Posta elektronikoaz: erraldoiak_gigantes@yahoo.es
*Facebookez: Iruñeko Alde Zaharreko Erraldoiak

2017ko iraila; Molins de Reira bisita

Hurrengo asteburuan (irailaren 29, 30 eta urriaren 1ean), Iruñeko Alde Zaharreko Erraldoi Konpartsako kideok Molins de Reira abiatuko gara. Bertan hiru egunetan zehar saioak eskainiko ditugu.

Hemen, Iruñeko Alde Zaharreko Erraldoi Konpartsak parte hartuko dutela iragartzeko Molins de Reiko Konpartsak prestatu duen marrazkia ikusi dezakezue. Asko gustatu zaizu marrazkia, eskerrik asko! Moltes gràcies!

Septiembre de 2017; San Fermín Txikito 2017

Kaixo lagunok!

3 egun hauetan zehar gurekin ibili zareten guztioi eskerrak eman nahi dizkizuegu. ZORAGARRIA IZAN DA, benetan! Eskerrik askooooo!!!

Gora Iruñeko Alde Zaharra!

Gora Aldapako Sanferminak!

2017ko Aldapako Sanferminak

Dakizuen bezala, irailaren 21, 22, 23 eta 24ean Iruñeko Alde Zaharrean Aldapako Sanferminak ospatuko dira. Aurten ere Jai Batzordeak egitarau oparoa prestatu du. Alde Zaharreko Erraldoi Konpartsak Jai Batzordeak prestatu dituen ekitaldietan parte hartzera animatzen zaitu.

EGITARAUA JEITSI

Bestaldetik, Lurra, Sua, Ura eta Airea erraldoiek ostiral, larunbat eta igandean Alde Zaharreko kaleak beraien dantzekin animatuko dituzte. Hauek dira burutuko dituzten ibilbideak:

ibilbideak ikusi (ibilbideak ikusteko hemen sakatu).

2017ko Aldapako Sanferminak

Aurten Aldapako Sanferminetan Utergako Erraldoi Konpartsaren bisita jasoko dugu. Utergako Konpartsak bi erraldoi ditu; Erregea eta Erregina.

* Erregeak 3,41 metroko altuera dauka eta 48 kg pisatzen du.

* Erreginak berriz 3,45 metroko altuera dauka eta 48 kg pisatzen du.

Utergako erraldoien bisita larunbatean (irailak 23) izango da. Saio goizeko 11etan Iruñeko Udaletxetik hasiko da.