2010eko Aldapako Sanferminak

Eta musika entzun zen... jende uholdea saltoka ari zen pozaren pozez, giza harresia osatuz. Plaza jendez gainezka, gurpildun zezenek eta erraldoiek bakarrik zeharkatu ahal izan zuten. Auzokideek plaza hartua zuten, euren plaza. Besta inoiz baino handiagoa zen.

Musika entzun zen eta entzuten jarraituko da. San Fermin txiki aurrera doa urrats erraldoiak emanez, hau geldiezina da.

Iruñeko Alde Zaharreko Erraldoi konpartsatik Aldapako Sanferminetarako Jai Batzordeak antolatutako herri programan parte hartzera animatu nahi zaituztegu. Irailaren 24, 25 eta 26an ospatuko dira jai herriko hauek.

GORA ALDAPAKO SANFERMIN!
GORA JAI HERRIKO ETA PARTE-HARTZAILEAK

ATARRABIAKO ERRALDOIEN BISITA ALDAPAKO SANFERMINETAN

2010eko Aldapako Sanferminetan, ATARRABIAKO erraldoien konpartsa Alde Zaharreko kaleak alaitzen ibiliko da larunbata goizean. Urtero bezala, Erraldoi hauek Iruñeko Alde Zaharreko Erraldoien konpartsak gonbidatu ditu. Duela urte batzuetatik hona, Alde Zaharreko Erraldoi Konpartsak toki ezberdinetako erraldoiak gonbidatzen ditu, denen artean erraldoi, musika eta dantza ezberdinez gozatzeko. Jadanik Tolosa, Lezo, Agoitz, Bartzelonako Llicçà de Vall eta Donostiako Carmen kaleko erraldoiak izan ditugu gure artean. Aurten irailaren 25ean, larunbata, goizeko 11etatik aurrera eta Mercaderes kaletik hasita erraldoi hauen dantzaz gozatzeko aukera izanen dugu.

2010ekojarauta kaleko eguna

Irailaren 11n, larunbata, Jarauta kaleko jaia ospatu zen. Iruñeko Alde Zaharreko Erraldoi Konpartsak jai herriko honetan parte hartzea erabaki zuen bertan saioa eskainiz. Hortaz irailaren 11n, larunbata, goizeko 12etan Jarauta kalean zegoen Txarko peñaren lehengo lokaletik irteera egingo genuen.

2012eko abuztuaren 27

Iruñeko Alde Zaharreko erraldoiak Arazuriko festetan saioa eskaini zuten. Hitzordua aurreko ostiralean, abuztuaren 27, arratsaldeko 6etan Arazuriko Plazan izan zen.

2010eko abuztuaren 15

Hurrengo igandean, abuztuaren 15, Iruñeko Alde Zaharreko Erraldoiak Arraitz-Orkineko jaietan saioa burutuko dute. Goizeko 12etan Arraitz-Orkineko Plazatik aterako dira eta herriko kale ezberdinetatik dantzan ibiliko dira. ZATOZ!!!

2010eko abuztuaren 8

Aurreko abuztuaren 8an, Iruñeko Alde Zaharreko Erraldoiak Santo Domingo kaleko jai herrikoietan parte hartu zuten. Eguerdiko 12:30ean Jarauta kaletik abiatuta Santo Domingo kaleraino iritsi ziren bertan baltse batzuk eskaini zituztelarik. Lurra, Sua, Ura eta Airea erraldoiak dantzatzen zuten bitartean, Napoleón, Payaso, Demonio eta Pamplonica kilikiak auzoko haurren atzetik korrika ibili ziren beraien bergak eskuan zituztelarik.

2010eko abuztua

Iaz bezala, Iruñeko Alde Zaharreko Erraldoi Konpartsak Santo Domingo kaleko jai herrikoietan parte hartuko du bertan saioa eskainiz. Irteera abuztuaren 8an, igandea, goizeko 12:30ean Jarauta kaletik burutuko dugu.
GORA SANTO DOMINGOKO JAIAK! GORA JAI HERRIKOI ETA PARTE HARTZAILEAK!!!

2010eko uztaila

Pasa den uztailaren 12an, astelehena, Lurra, Sua, Ura eta Airea erraldoiak Alde Zaharreko kaleetatik dantzan ibili ziren 2010eko Herri Sanferminak ospatzeko Gora Iruñea plataformak antolatutako herri programan parte hartuz.